Losed, es wott Früehlig wärde

D'Amslen uf em grüenen Ascht
hed ke Ruehi und hed ke Rascht.
Eismols ischs eren ums Singe:
"Chanis ächt no fürebringe"?
Lyslig, lyslig foht si aa,
zerscht e Ton, es Schlänggerli draa.
Zleschte gits e ganze Satz,
und jetz blibt si nümm am Platz,
flügt mid ihrem junge Gsang
zoberscht ufene Wättertann,
rüefts em Himmel und de Bärge:
"Losed, es wott Früehlig wärde"


Verskategorien

Dieser Vers gehört zu folgenden Kategorien:

Frühling